thbanner

Gan ddefnyddio’r gorffennol i ysbrydoli’r dyfodol, mae gan, Transition Haverfordwest genhadaeth i helpu’r dref sirol i gychwyn ar gyfnod newydd o lwyddiant a thwf, gydag economi wedi’i adfywio a’i ail-leoli wrth galon rhwydwaith o gymunedau lleol ffyniannus.

Mae Transition Haverfordwest yn anelu i:

Greu cyflogaeth leol trwy:

  • ôl-ffitio tai ac adeiladau cymunedol a masnachol presennol i’w gwneud nhw’n gynnes ac ynni effeithlon
  • cynhyrchu mwy o’n hanghenion ynni o ffynonellau adnewyddadwy
  • cynyddu hunangynhaliaeth o ran bwyd a thrafnidiaeth
  • adeiladu synnwyr cryf o gymuned trwy ddatblygu asedau yn gyfunol:
    – cynlluniau ynni adnewyddadwy
    – adeiladau, gerddi a pherllannau cymunedol
    – mannau gwyrdd cyhoeddus
    – tai a thrafnidiaeth lleol
    – gwasanaethau gofal ac iechyd
    – ‘arian cyfredol’ lleol
    – gwyliau a dathliadau cymunedol

Mae Transition Haverfordwest yn cael ei reoli gan Grŵp Llywio, gydag aelodau o’r gymuned leol, a phob un yn cynrychioli gwahanol fuddiannau e.e. Bwyd Lleol, Ynni, Amaethyddiaeth sy’n cael ei gefnogi gan y Gymuned, Gwyliau a Dathliadau Cymunedol ayyb. Mae gan y rhwydwaith hanes o brosiectau llwyddiannus, mae manylion am y prosiectau hyn i’w cael ar y wefan: www.transitionhaverfordwest.org.uk

O fewn y prosiect hwn bydd Transition Haverfordwest yn:

  • rhwydweithio gyda grwpiau Transition eraill ar draws Cymru a thu hwnt i godi ymwybyddiaeth am y prosiect a’i lwyddiannau
  • helpu i godi ymwybyddiaeth yn lleol am y prosiect a datblygu’r capasiti lleol drwy annog a denu gwirfoddolwyr, a thrwy hynny cefnogi cynaliadwyedd hir dymor y prosiect
  • ymgymryd â phrosiectau celfyddydol i helpu i ail-feddwl ac i ddelweddu’r ffordd y bydd angen i ni fyw yn y dyfodol heb ddibynnu ar danwyddau ffosil
  • cymryd rhan yn y broses gynllunio cymdogaeth wedi’i ysgogi drwy’r Labordy Cydlifiad, i ganolbwyntio ar a datblygu gwyrddio glan yr afon ac yng nghanol y dref
  • ymchwilio i a datblygu cynlluniau trafnidiaeth cynaliadwy sy’n cysylltu mannau allweddol yn y dref ac ar hyd lan yr afon (cynllun cymdogaeth)
  • ymchwilio i gyllid posib ar gyfer prosiect ynni adnewyddadwy sy’n canolbwyntio ar yr afon a sefydlu grŵp cyswllt.